ClearBank-ის აღმასრულებელმა დირექტორმა, მარკ ფეირლესმა განაცხადა, რომ გაერთიანებულმა სამეფომ უნდა დაარეგულიროს და წაახალისოს ბრიტანული ფუნტის სტეიბლკოინების განვითარება, რათა ქვეყნის ფინანსური მომსახურების სექტორმა გლობალური კონკურენტუნარიანობა შეინარჩუნოს.
მისი თქმით, ფუნტის stablecoin-ები ვერასდროს გაუტოლდება დოლარით ან ევროთი დენომინირებული ტოკენების საბაზრო კაპიტალიზაციას, რადგან ის არ არის გლობალური სარეზერვო ვალუტა.
თუმცა, ფეირლესის თქმით, გაერთიანებულ სამეფოს სჭირდება ბრიტანული ფუნტის სტეიბლკოინი, რათა შეინარჩუნოს კომერციული კონკურენტუნარიანობა, რადგანაც მსოფლიო on-chain ფინანსებსა და ინტერნეტ კაპიტალის ბაზრებზე გადადის.
“რეალურ დროში, საერთაშორისო მასშტაბით ანგარიშსწორების შესაძლებლობა მოითხოვს GBP-ის სტეიბლკოინს და თუ ის არ გვექნება, რისკის ქვეშ დავდგებით, რომ სხვა ფინანსურ სექტორებს ჩამოვრჩეთ”, - თქვა მან.
სტეიბლკოინები გეოსტრატეგიულად აქტუალური ხდება, რადგან მთავრობები ცდილობენ, თავიანთი ეროვნული ვალუტები on-chain სისტემაში მოათავსონ და შეინარჩუნონ კონკურენტუნარიანობა იმ ქვეყნებთან, რომლებიც ციფრულ და ბლოკჩეინ ინფრასტრუქტურას თავიანთ ეკონომიკაში აერთიანებენ.
სარა ბრიდენმა, ინგლისის ბანკის (გაერთიანებული სამეფოს ცენტრალური ბანკი) გუბერნატორის მოადგილემ განაცხადა, რომ ქვეყანა აშშ-ის სტეიბლკოინების რეგულაციებს ფეხს აუწყობს და მჭიდროდ ითანამშრომლებს საერთაშორისო პარტნიორებთან.
ორშაბათს, ინგლისის ბანკმა გამოაქვეყნა საკონსულტაციო დოკუმენტი, რომელშიც ასახულია გაერთიანებულ სამეფოში სტეიბლკოინებისთვის შემოთავაზებული მარეგულირებელი ჩარჩო.
წინადადება მოიცავდა სავარაუდო სარეზერვო მოთხოვნებს, აქტივების ტაქსონომიას და რისკების მართვის რეგულაციებს სტეიბლკოინების ემიტენტებისთვის. საკონსულტაციო დოკუმენტი ინდუსტრიის გამოხმაურებისთვის ღიაა 2026 წლის თებერვლამდე, ხოლო საბოლოო რეგულაციები წლის მეორე ნახევარშია მოსალოდნელი.
