აშშ-ის პრეზიდენტი დონალდ ტრამპი და ჩინეთის კომუნისტური პარტიის ლიდერი სი ძინპინი სამხრეთ კორეაში პირისპირ შეხვდნენ ურთიერთობების სტაბილიზაციისა და ტარიფების დაძაბულობის მოსაგვარებლად.
შეხვედრის წინ, ტრამპმა მიანიშნა, რომ მხარეები დაახლოების ნიშნებს ავლენენ და განაცხადა, რომ ისინი “უკვე შევთანხმდნენ ბევრ საკითხზე და რაღაცებზე კიდევ შევთანხმდებიან“.
“ვფიქრობ, დიდი ხნის განმავლობაში ფანტასტიკური ურთიერთობა გვექნება,“ – თქვა ტრამპმა ვიდეოში, რომელიც თეთრმა სახლმა ხუთშაბათს X-ზე გამოაქვეყნა.
President Donald J. Trump meets with Chinese President Xi Jinping in South Korea.
— The White House (@WhiteHouse) October 30, 2025
"I think we're going to have a fantastic relationship for a long period of time, and it is an honor to have you with us." pic.twitter.com/ISpVBzkvN3
ტრამპის მიერ ტარიფების გამოყენებამ, იშვიათი მინერალების ექსპორტზე ჩინეთის საპასუხო შეზღუდვებთან ერთად, ეკონომიკური შენელების შიში გაზარდა. მძიმე ტარიფების დაწესებამ ბოლო თვეებში კრიპტოს ბაზარზეც ვარდნა გამოიწვია.
ამის შედეგად, 10 ოქტომბერს Bitcoin-ი (BTC) $121,560-დან $103,000-მდე დაეცა.
მედიის ცნობით, არც აშშ-ს და არც ჩინეთს არ სურთ მსოფლიო ეკონომიკის დესტაბილიზაციის რისკის ქვეშ დაყენება და ამის გამო გახდა საჭირო პირისპირ შეხვედრა, რათა გადაეწყვიტათ, თუ როგორი იქნება მომდევნო სვლები ტარიფებთან დაკავშირებით.
სავარაუდოდ, ტრამპი ტარიფების ბოლოდროინდელ მუქარას არ შეასრულებს
აშშ-ის ოფიციალურმა პირებმა მიანიშნეს, რომ ტრამპი არ აპირებს შეასრულოს მუქარა ჩინურ საქონელზე დამატებითი 100%-იანი იმპორტის გადასახადის დაწესების შესახებ, ჩინეთი კი, სავარაუდოდ, შეამსუბუქებს იშვიათი მინერალების ექსპორტის კონტროლს და შესაძლოა აშშ-ისგან სოიოს შესყიდვაც დაიწყოს.
ტარიფებმა გაურკვევლობა გამოიწვია Bitcoin-ის მაინინგისა და AI-ინდუსტრიებში
ერთი კვირის განმავლობაში ტრამპი აზიაში რამდენიმე სხვა ლიდერსაც შეხვდა, მათ შორის, მალაიზიის ოფიციალურ პირებს. ბოლო დროს მალაიზია Bitcoin-ის მაინერებისთვის საწარმოო და საექსპორტო ჰაბად იქცა.
აშშ ამჟამად მალაიზიურ ექსპორტზე 19%-იან ტარიფს აწესებს.
ტარიფებმა მნიშვნელოვანი გაურკვევლობა გამოიწვია Bitcoin-ის ამერიკელი მაინერებისთვის, რომლებიც დამოკიდებულნი არიან სამხრეთ-აღმოსავლეთ აზიიდან იმპორტზე, ჩინეთის მხრიდან იშვიათი მინერალების ექსპორტის შეზღუდვები კი შეშფოთების საგანი გახდა AI-ის ტექნიკური აღჭურვილობის მიწოდების ჯაჭვის პოტენციური შეფერხების გამო.
