აშშ-ის მთავრობის ”შათდაუნის” დროს შვებულებაში მყოფი თანამშრომლები, სავარაუდოდ, სამსახურს დაუბრუნდნენ ფასიანი ქაღალდებისა და ბირჟის კომისიასა (SEC) და საქონლის ფიუჩერსებით ვაჭრობის კომისიაში (CFTC).
SEC-ის და CFTC-ის საოპერაციო გეგმების მიხედვით, თანამშრომლები სამსახურში ხუთშაბათს უნდა დაბრუნებულიყვნენ, მას შემდეგ, რაც აშშ-ის პრეზიდენტმა დონალდ ტრამპმა ოთხშაბათს გვიან დაფინანსების კანონპროექტს მოაწერა ხელი ფედერალური ოპერაციების განახლებისთვის.
”შათდაუნის” დროს, ორივე სააგენტოს ნაკლები პერსონალი ჰყავდა და შემცირებული ოპერაციებით მუშაობდნენ. SEC-ის შემთხვევაში, ამან შეზღუდა მისი შესაძლებლობა, განეხილა გაცვლითი სავაჭრო ფონდების (ETF) თუ კრიპტოვალუტებთან დაკავშირებული განაცხადები.
”შათდაუნის” დროს, ორივე ფინანსური მარეგულირებლის წარმომადგენლები რეგულარულად საუბრობდნენ კონფერენციებზე კრიპტოვალუტებთან დაკავშირებულ მიდგომებზე, ზოგჯერ კი კომენტარს აკეთებდნენ ხელმისაწვდომობაზე და ეხებოდნენ შემცირებულ ოპერაციებს.
მთავრობის ხელახლა გახსნის შემდეგ SEC-სა და CFTC-ს შესაძლოა დრო დასჭირდეთ, რომ დაგროვილ აქტივობებს, მაგალითად, ბოლო 43 დღის განმავლობაში წარდგენილი სარეგისტრაციო განაცხადების განხილვას დაეწიონ. ზოგიერთმა კომპანიამ IPO-სა და ETF-ის განაცხადები მაშინაც წარადგინა, როდესაც ვრცელდებოდა ინფორმაცია, რომ ”შათდაუნი” მალე დასრულდებოდა.