წარმომადგენელთა პალატამ ოთხშაბათს დაფინანსების კანონპროექტს უყარა კენჭი, რითაც აშშ-ის მთავრობის რეკორდულად ხანგრძლივი ”შათდაუნი” საბოლოოდ დასრულდება.
კანონპროექტი ახლა აშშ-ის პრეზიდენტ დონალდ ტრამპს გადაეგზავნა, რომელიც მას, სავარაუდოდ, ოთხშაბათს ღამით მოაწერს ხელს.
როგორც დემოკრატმა, ასევე რესპუბლიკელმა კანონმდებლებმა წარმომადგენელთა პალატაში კანონპროექტის შესახებ ცხარე დებატები გამართეს და საბოლოო კენჭისყრა 222 მომხრითა 209 მოწინააღმდეგით დასრულდა.
Fox News Digital-ის მიერ მოპოვებული განცხადების თანახმად, აშშ-ის პრეზიდენტმა დონალდ ტრამპმა უკვე მიუთითა, რომ ხელს მოაწერს კანონპროექტს, რითაც ”შათდაუნს” ოფიციალურად დაასრულებს. BBC იტყობინება, რომ ტრამპი კანონპროექტის ხელმოწერას ადგილობრივი დროით 21:45 საათზე გეგმავს ბიზნესის ლიდერებთან კერძო ვახშმის დროს.
მთავრობის ”შათდაუნმა” შეაფერხა კრიპტო კანონპროექტების განვითარება და ასევე SEC-ის მაგიდაზე უამრავი ETF-განაცხადი დატოვა განუხილველი.
ახლა უფრო მეტი ყურადღება დაეთმობა სხვა კანონპროექტებს, მაგალითად, ბაზრის სტრუქტურის კანონპროექტს, რომლებმაც გარკვეულ წინსვლას ”შათდაუნის” დროსაც კი მიაღწიეს.