კვირას კრიპტოს შიშისა და სიხარბის ინდექსი (Crypto Fear & Greed Index) “შიშის“ ზონიდან გამოვიდა და ბოლო ორ კვირაზე მეტი ხნის განმავლობაში პირველად მიაღწია ნეიტრალურ დონეს. შაბათ-კვირას Bitcoin-ის ფასი დაახლოებით $115,000-მდე გაიზარდა.
ინდექსი, რომელიც ბაზრის საერთო განწყობას ზომავს, ამჟამად „ნეიტრალურ“ ზონაშია 100-დან 51 ქულით.
მაჩვენებელი შაბათის შემდეგ 11 პუნქტითაა გაზრდილი, ხოლო 20 პუნქტზე მეტით გასული კვირის შემდეგ, რაც ბოლო რამდენიმე დღის განმავლობაში განწყობის მკვეთრ ცვლილებაზე მიუთითებს.
BTC-ის “აგრესიული“ გაყიდვები იკლებს
Glassnode-ის ანალიტიკური პლატფორმის მონაცემებით, განწყობის ცვლილება Bitcoin-ის გაყიდვების ბოლოდროინდელ შემცირებას ემთხვევა.
კვირას გავრცელებულ X-პოსტში, Glassnode-მა ივარაუდა, რომ ნეგატიურმა განწყობამ, როგორც ჩანს, უკვე პიკს მიაღწია.
“დაფინანსების განაკვეთები ნეიტრალურ დონეზე, 0.01%-ზე დაბლა რჩება, რაც იმაზე მიუთითებს, რომ ბაზარზე გრძელი პოზიციები არ ჭარბობს. ფაქტობრივად, ჩვენ ვხედავთ, რომ დაფინანსება, ბოლო 2 კვირის განმავლობაში, რამდენჯერმე გადავიდა ძალიან ნეგატიურ ზონაში, რაც აჩვენებს, რომ მონაწილეები სიფრთხილისკენ იხრებიან“, - წერს Glassnode.
რაც შეეხება სხვა პოტენციურად პოზიტიურ ინდიკატორებს, ბაზარი ელოდება აშშ-ის ფედერალური რეზერვის მიერ საპროცენტო განაკვეთის კიდევ ერთ შემცირებას 29 ოქტომბერს შეხვედრაზე.
სტატიის წერის მომენტისთვის, CME Group-ის FedWatch-ის მონაცემები 96.7%-ით ვარაუდობს, რომ ფედერალური რეზერვი ამ კვირაში განაკვეთებს მეოთხედი პროცენტული პუნქტით შეამცირებს.
