Bitcoin-ის გაცვლითი სავაჭრო ფონდების (ETF) ინვესტიციებში აღდგენის ნიშნებია, რაც, ოქტომბრის დასაწყისში კრიპტო ბაზრის რეკორდული კრახის შემდეგ, ოპტიმიზმის ზრდაზე მიუთითებს.
Farside Investors-ის მონაცემებით, აშშ-ში Bitcoin-ის გაცვლით სავაჭრო ფონდებში სამშაბათს $524 მილიონის საერთო წმინდა შემოდინება დაფიქსირდა, რაც ყველაზე მაღალი დღიური მაჩვენებელია 7 ოქტომბრის შემდეგ.
$524-მილიონიანი შემოდინება ყველაზე მაღალია 10 ოქტომბრის კრიპტო ბაზრის კრახის შემდეგ, რომელმაც მნიშვნელოვანი ზიანი მიაყენა ინვესტორებს.
CryptoQuant-ის დამფუძნებლისა და აღმასრულებელი დირექტორის, კი იანგ ჯუ-ს თქმით, დადებითი დღიური შემოდინება კარგი სიგნალია Bitcoin-ის (BTC) მფლობელებისთვის, რადგან გაცვლით სავაჭრო ფონდებში ინვესტიციები წელს Bitcoin-ის ფასზე მოქმედი ერთ-ერთი მთავარი ფაქტორი იყო.
მზარდი მოთხოვნა დაფიქსირდა აშშ-ის სენატის მიერ დაფინანსების პაკეტის დამტკიცებიდან ერთი დღის შემდეგ, რამაც კონგრესი ერთი ნაბიჯით მიაახლოვა მთავრობის “შათდაუნის“ (დახურვის) დასრულებას. ეს მოვლენა გახდა ბიძგის მიმცემი ინდუსტრიის ყველაზე წარმატებული ტრეიდერებისთვის, რომლებმაც შემდგომი ზრდისთვის პოზიციები დაიკავეს .
Bitcoin-ის გაცვლითი სავაჭრო ფონდები ოქტომბრის კრახის შემდეგ ძირითადად “წითელ ზონაშია” და დღიური გადინება $700 მილიონს აღწევდა, რაც ETF-ინვესტორებს შორის რისკის შემცირების ფაზაზე მიუთითებდა.
რაც შეეხება სხვა კრიპტო გაცვლით სავაჭრო ფონდებს, Ether-ის (ETH) ETF-ში სამშაბათს $107 მილიონის გადინება დაფიქსირდა, ხოლო Solana-ს (SOL) ETF-ებმა გააგრძელეს 11-დღიანი წარმატებული სერია $8 მილიონის წმინდა დადებითი შემოდინებით.
Magazine: Bitcoin to see ‘one more big thrust’ to $150K, ETH pressure builds
